ফেলানী
প্ৰথমখন উপন্যাস 'অয়নান্ত'ৰ জৰিয়তেই নিজৰ সাহিত্যিক সৃষ্টিৰ স্থিতি অসমীয়া সাহিত্যত স-গৌৰৱেৰে দাঙি ধৰা ঔপন্যাসিক অৰূপা পটংগীয়া কলিতাৰ এখন সফল উপন্যাস "ফেলানী"। কিতাপ খন প্ৰথম প্ৰকাশ হৈ ওলাইছিল ২০০৩ চনত আৰু অতি কম দিনৰ ভিতৰতে জনপ্ৰিয় হৈ পৰা কিতাপ খনৰ পঞ্চম সংস্কৰণৰ মূল্য ১৮০ টকা।
স্বাধীন অসমৰ বাবে সংঘৰ্ষ, ভাতৃঘাতী সংঘৰ্ষ আদিৰে জৰ্জৰিত হোৱা এটা সময়ৰ যন্ত্ৰণাক্লিষ্ট মানুহৰ কাহিনীয়েই কিতাপ খনৰ মূল পটভূমি।মৌজাদাৰৰ ছোৱালী সমাজৰ চকুত বদনামী, ৰত্নমালাৰ আজোনাতি ফেলানী মালতী হোৱাৰ কাহিনী, ধঁপাতৰ পাত যেন খহটা মালতীৰ মানুহজনৰ হাত খন তাইৰ মূৰৰ ওপৰৰ পৰা আঁতৰি যোৱাৰ পিছত একমাত্ৰ সন্তানক বুকুত সাৱটি তাই আৰম্ভ কৰা সংঘাটপূৰ্ণ কাহিনী কিতাপ খনত জীৱন্ত হৈ পৰিছে। অকথ্য নিৰ্যাতন সহ্য কৰিও নিতৌ দুবেলা দুমুঠি খাবৰ বাবে কঠোৰ শ্ৰম কৰিবলগীয়া হোৱা সেইসকল মানুহৰ সমষ্টিয়ে আচলতে ফেলানী যি দেখুৱাইছিল যে নিজৰ অস্তিত্ব ৰক্ষাৰ যুজঁ খনত জয়ী হবলৈ কোনো তথাকথিত ডাঙৰ মানুহৰ প্ৰয়োজন নাই। সময় সাপেক্ষে নিজৰ শক্তিৰে দেখুৱাব লাগিব সমাজক নিজৰ অধিকাৰ স্থিতি।
 |
| ফেলানী |
